حوار بين Content Marketer ومدير الGym !

"هيه دي صالة الجيم اللي إفتتحناها من إسبوع .. أيه رأيك؟"  قال فارس في فخر وهوه بيفرّج صاحبه شوقي على المكان

"رائع .. المكان تحفه .. ده كل ال Machines موجوده فيه!!"

رد شوقي في إنبهار و هوه بيتفحص أحد الأجهزه النادره ..

سكت شويه و بعد كده سأل فارس في إهتمام:

تحب تكون صالة الجيم بتاعتك مميزه و ألا زي أي صاله تانيه بتفتح؟

فارس: أكيد طبعا عايزها مميزه .. دي مش عايزه سؤال

شوقي (في حماس): خلاص خليني أعمل لها Content Marketing .. إنت عارف إن ده مجالي .. و أوعدك حأظبطك

فارس فكر لحظه و قال في حذر مختلط بشيء من الحيره: ما أنا Already عملت Marketing للمكان … إنت ما أخدتش بالك؟!

شوقي: أخدت بالي أكيد ..ماشي إنت عملت ال Marketing المعتاد اللي يخلي الناس "تعرفك" بس مش اللي "يخليك متميز" …

رد فارس في سخريه: وال Content Marketing حيخلينا بقى إزاي متميزين يا فالح؟

شوقي : عشان حيخليك تنشر ثقافه أو حتى تغير عقلية أفراد مش مجرد إنك حتعلن عن مكان أو خدمه بتقدمها.

سكت فارس شويه و إتجه لل Incline Bench القريب منه و إستلقى عليه و هوه بيفكر في عمق في حين جلس شوقي على ال Bench المقابل و في أيده Dumbbell بيقلبها في إيده.

وأخيرا إعتدل فارس في جلسته و سأل شوقي:

وإنت حتعمل الكلام ده إزاي؟

أجاب شوقي في بساطه:

عادي عن طريق ال Content .. المحتوى اللي حأقدمه للناس.

فارس: يعني حتعمل مقالات عن ال Fitness و حجات كده؟!!

رد شوقي بسرعه: ممكن طبعا بس أنا مش حابب إن ده يكون شكل المحتوى الأساسي اللي أشتغل عليه.

فارس: طيب ما تشرحلي بتفصيل أكتر

شوقي:طبعا في حجات كتير ممكن تتعمل بس مبدأيا المحتوى ممكن يتعرض من خلال مجموعة فيديوهات حنزلها كل فتره محدده على نحو منتظم .. ممكن كل أسبوع، إسبوعين، شهر على حسب ما نتفق ..

الفيديوهات دي مثلا ممكن نبين فيها كيفية تدريب كل جزء من أجزاء الجسم من خلال الأجهزه الموجوده عندك في الجيم أو نعطي نصايح عن طريقها للي عايزين يقللوا وزنهم أونحط أي محتوى تاني .. المهم يكون ليه علاقه بال Fitness .... والتصويرطبعا حيكون هنا .. بس عشان أقدر أحدد بالظبط نوع المحتوى اللي حيتعرض في الفيديوهات حأحتاج إن أجتمع بالمدربين اللي عندك و أسمع إقتراحاتهم …

حنظبط محتوى يكفي مدة 3 شهور على الأقل و بعد كده نعمل تقييم و نقرر إذا كان حينفع نكمل بنفس الطريقه وألا نغيرها … ده في حالة إذا لقينا إن إنا ماوصلناش للنتايج اللي إحنا عايزينها ..

وعشان نقدر نقيم أي حاجه، قبل ما نبدأ لازم نحدد الأهداف (Goals) اللي محتاجين نوصل لها من خلال ال Content Marketing اللي حنعمله.. هل الهدف زيادة عدد رواد الجيم وألا مجرد Brand Awareness و ألا نشر ثقافة الرياضه عموما … إلخ.

سكت شوقي لحظه ووضع ال Dumbbell اللي في أيده على الأرض وبعد كده قال و هوه بيميل ناحية فارس:

بالنسبه للمدرب أو المدربين اللي حيظهروا في الفيديوهات حنختار أكتر حد عنده كاريزما و اللي مظهره الرياضي الخارجي بيدل على إنه فعلا مدرب مخضرم. قبل بقى ما نقرر الكلام بالظبط اللي هوه حيقوله وكده حنحتاج نعرف منك نوع ال Buyer Personas أو بمعنى تاني شخصية العملاء اللي إنت مستهدفهم ..مثلا هل بتستهدف الرجاله بس و ألا البنات كمان؟ .. أيه أعمارهم؟ .. أيه مستواهم الإجتماعي؟ .. ألخ. على فكره ممكن تعمل كذا Buyer Persona و لكل واحده يكون ليها سماتها الخاصه.   

كمان حأحتاج أحدد اللهجه (Tone) اللي حنستخدمها في طريقة الكلام .. مثلا هل حتكون رسميه جدا و ألا عاميه أوي .. هل تتميز بالجديه، بالود، بالسخريه .. إلخ.و دي في الأغلب حنقدر نحددها أكتر بعد ما نختارالBuyer Personas.

و بكده على أساس المواصفات المفصّله دي حأقدر أظبط الكلام اللي حيتقال و الإسلوب المستخدم و إختيار الألفاظ المناسبه.

بالنسبه بقى لمدة كل فيديومش بتتساب كده للحظ. لازم تتظبط بحيث تبقى تقريبا ثابته في كل الفيديوهات أو على الأقل قريبه من بعضها.

قال فارس (مبتسما): الموضوع جامد جدا بصراحه بس عايز شغل كتير .. ماكنتش متخيل كده أوي.

إبتسم شوقي بدوره و هوه بيقول: على فكره اللي أنا قولتهولك دلوقتي ده كان مجرد شوية أفكار عشوائيه كده جت على دماغي بس إحنا ممكن نعمل كمان حجات أحسن من كده … المهم بس ناخد وقتنا في التفكيرو التخطيط.  

ضحك فارس وقال مداعبا: أمال لو ماكانتش عشوائيه كانت حتكون عامله إزاي؟!

ظهر شبح إبتسامه على وجه شوقي للحظه لكن إختفت بسرعه وهوه بيقول في إهتمام: صحيح في حاجه تانيه نسيت أقولك عليها!

نظر له فارس في تساؤل، فكمل شوقي:

المفروض إن أي محتوى بنعمله في الأساس بيتم وضعه على ال Website بتاعك اللي بيكون بمثابة المركز(Hub) اللي بتخزن فيه كل البضاعه بتاعتك (البضاعه هنا مقصود بيها كل أصناف المحتوى التسويقي بتاع شركتك سواء فيديوهات، مقالات، إلخ)

و بما إنه مركز تخزين فمنطقي حيحتاج لأماكن تتوزع فيها بضاعته عشان الناس تقدر توصل لها أسرع و بسهوله أكتر. ال Social Media Channels هيه بقى الأماكن اللي بيتم توزيع البضاعه أو المحتوى عليها.

يعني مثلا الفيديوهات اللي إحنا حنعملها بنحطها في الأصل على ال Website و بعدين بنوزعها على ال Social Media Channels … و من هنا جمهورك حيبدأ يعرفها و يتفاعل معاها.

صمت  شوقي فجأه و بدا وكإنه تذكر شيء فقطع حديثه و سأل فارس في فضول:

صحيح إنت سمعت عن الهاش تاج اللي إسمه fitfam# على Twitter؟

فارس: بصراحه لأ

شوقي:ده بيمثل الCommunity اللي مهتم بالFitness على تويتر .. أعتقد حيكون ليه دور كبير في نشر ال Content بتاعنا …

أه و بمناسبة ال Content كنت عايزك تدخل على موقع أسمه Bodybuilding  … ده بقى من المواقع القويه اللي عملت Content Marketing بطريقه إحترافيه في مجال ال Fitness …

فارس (بإنبهار): بجد؟!

رد عليه شوقي بعد ما قام وقف: أيوه حيعجبك كتير.. عموما فكر كده في الموضوع اللي أنا قلتلك عليه و مستني ردك.

فارس: ماشي .. بس إنت حتمشي ليه؟ ما أحنا لسه قاعدين مع بعض شويه

شوقي: لأ مش حمشي أنا موجود معاك في الجيم حأعمل التمرين بتاعي .. أصل النهارده الLeg Day !